حكايات عذاب .. عشتها

عن أيام وليالي مُر .. تجرعتها

عن جروح قلب من زودها كنها قدام عيني .. وشفتها

وبيديني نار .. حسيتها .. ولمستها

قلب أدمته الجراح


إكتب حيل وبعد .. ياقلم

عن وفا وإخلاص قدمته وتندمت

ومن غلطتي واحسافه ما تعلمت

وحاولت مع هالبشر ولا قدرت

ليتني من كلامهم سلمت
إكتب حيل وبعد .. ياقلم

أحس إني في عالم وحدة وإغتراب

أحس إني وحيد في دنيا عذاب

أنكسر .. أنجبر .. لحنين قلب مع هالزمن ذاب

أحس خلااااص .. ضاع من عمري الشباب

إكتب حيل وبعد .. ياقلم

كم مره في اليوم أحترق

وكم بسمه من شفاهي تنسرق

كم وكم جرح من ضلوعي يندفق

وشلون بالشرايين الدم يتبعثر ومن مكانه يفترق

وكم عبره بالحلق تجف وتختنق

إكتب حيل وبعد .. يا قلم

عن كيف وكم من هالبشر تقوى تخون

ولضميرها أبد .. لحظه ما تصون

وببحور الكذب والخديعه يغرقون

حياتهم .. كيف .. خبروني .. ياناس تكفون

إكتب حيل وبعد .. يا قلم

ماعاد لي ياقلم غيرك أشتكي

والهم تجرعته معك وزود منه أستقي

ياهموم بالجوف زيدي وإفتكي

يادموع بالمقل لاتهيدي وتبركي

إكتب حيل وبعد .. يا قلم

ماعاد لي غيرك يآنس وحدتي

ولا من ونيسٍ يشفي علتي

ولا من بشرٍ يمسح دمعتي

غير ..

نزف جرحك .. ياقلم

إكتب أكثر وأكثر .. يا قلم

عن قلب إحترق .. وما سلم

وسطّر صفحات لهيب .. ألم

عن كل جميلٍ في عيوني .. وشلون أصبح .. عدم

إكتب .. بعد ..

وزوووووود .. يا قلم

وااااااااااااااااااااااااو

كلمااااااااااااااااااااااات جدا حزينه

بس كفايه لعد تكتب

سلمت اناملك

وتقبل مروري وتحياتي