ترى من جد اكرها ياعالم ناشبة فيني

تغير دايم الأرقام عشان أرد واكلمها

لعنت اليوم ذاك اللي جمع نظراتها بعيني

وصرت أتمنى ذاك اليوم يجي فجأة وأودعها

حرام أقول يافلانه روحي لا تحبيني

وحرام أبقى معاها كذب على أني أطاوعها

حرام اكسر محبتها وأبين قولت انسيني

وحرام اكذب على نفسي إني انا معها

إنا اذكر قلت ابي ارحل قالت لاتخليني

وصار الدمع على الخدين يغير من ملامحها

وقالت لا رحلت انت جعل موتي يناديني

مع إني قاسي معها كأني كنت ادلعها

طفلة لينت قلبي ودلتني عناويني

وذقت انا معها صدق وصعب إني أفارقها

خذت روحي بلطافتها وميانتها تسليني

وصرت أخشى دموع العين تنزل من مدامعها

وصار الكون في كفه وهي صارت تكفيني

ملاك لا حشي والله عجزت إني أشبها

وكل مااشوفها والله أقول انت توديني

أخاف أنها تصرفني مثل ما انا اصرفها

ياعالم شكلها بتقول ترى هذا نشب فيني

وأصير أنا الغبي اللي يفكر بس يكلمها

تسلم ايدك وصح الله لسانك ................

سلمت الانامل اللي كتبتها والله

تقبل مروري ...

مشكورخيو على القصيدة الجميلة
الله يعطيك العافية

الله يعطيك العافيه اخوي ريان على الابيات الرائع .....

ملاك لا حشي والله عجزت إني أشبها

وكل مااشوفها والله أقول انت توديني


يعطيك العافية ياريان واصل بالشاعر ولله اشوف فيك موهبة الشعر واتمنى تحطي خطين بكلامي وتكتب علية تحت الاهمية

تسلم اناملك

ولا تحرمنا من جديدك

وتقبل مروري

قصيدة جميلة يعطيك العافيه اخوي ريان

قصيدة روعه
يسلمووووووووووووو