حليلته من قال لك انك ملكتي دنيته

ياشاطره صعب ترى انك تكونين البديل

ليلة زفافك مالمحتي؟؟ ماسمعتي صرخته؟؟

كله يناديني شقا والحلم بعيونه ذليل

يامن سرقتي ماستي لو تسألي عن قصته..

تنطق لج نجوم السما والشوق والليل الطويل

تحكي لج أصداف البحر تحكي شوارع ديرته..

وطيوره وأنا عن قصة العشق القتيل

ياغافله لوتلمحين.. أو تلتقين بنظرته..

أنا بعيونه ساكنه مثل الرجا والمستحيل

أنا النهار بناظره وأنا خليطة مهجته..

حب الطفوله والصبا والصدق والشوق الأصيل

لو يلمسك.. كني أنا أسكر واذوب بلمسته

أدري شعوره بس معي وإن كان لي حظ بخيل

لو الشفايف تلتقي.. باقي رحيقي بشفته..

أنا بعيونه في دمه بكل نبض لي دليل

وإن عانقج أبقى أنا كل الدفا في رجفته..

يابنت مهما تفعلي حبي أنا ماله عديل

عمرك عرفتي وش يبي؟ ولا مسحتي دمعته؟؟

عمرك تحملتي العتب ولا سهرتي له عليل؟؟

عمره رحل عنك شهر وانتي ذليلة رجعته؟؟

ولا رخصتي لخاطره أهلك وعمرك والحصيل؟؟

ولا تحملتي الألم كلك سعاده لفرحته؟؟

ولا غديتي له ذرا وبضيقته ضل ضليل؟؟

هذي أنا ياساذجه .. أنا رجاه وبسمته..

وانتي هدمتي بيتنا ومات الحلم في صحوته..

عروسته كانت أنا وماكان لي غيره حليل..

أنا هديته دبلتي وقبلج هداني دبلته..

كانت وهم وأحلى الوهم مير الوهم طفل هبيل..

حبي أمانه في يدج تقفين داوي طعنته..

حليلته لا تزعلي مني وأنا عمري قليل..

أنسي القصيده والعتب وإنسي فؤادي ولوعته..

مالي مكان وللأسف ماعاد لي غير الرحيل..

مهما أقول من الألم تبقى الحقيقه ثابته..

أنتي ملكتيه بحلال وديننا عاف البديل .......


منقوووووووووول

وين الردود يا اعضاء
عن جد راح ازعل منكم

الله الله كلك ذوووق صح لسااانك يالغلا

ننتظر جديدك

تقبلي مروري

صح لسانك ياخت عبورة
تنمياتي ليكي من القلب التوفيق

تقبلي مروري

مشكووووووورين على مروركم

قصيدة مؤثرة ورائعة

يعطيك الف عافية عبير

روووعه يسسسسسسسسسسسسسلمؤؤؤؤؤؤؤؤؤؤؤؤؤؤؤ

العفووووووووووو
مشكوورين ع المرور

مشكووره خيتو والله رووعه حسيت اني ببكي


تسلم يدينك وانتظر إبداعااتك الجميله

والله والله والله تجنن تسلم يالي كاتبه الموضوع و الي كاتبه القصيده تجنن والله والله والله