السلام عليكم ورحمة الله وبركاته

//

هذي القصيده اهداء لكل البنات بالمنتدى //

لا تحسبين العرس توفي وكت كات
ولا تحسبينه توكس ولا بوانتي

ولا تحسبين العرس كيكه وتورتات
وصله قطعتيها ووصله بلعتي

ولاتحسبين العرس تصفيق وأصوات
وأنت على صوت الغطاريف همتي

ولاتحسبين العرس كوشه ولمبات
وأنت كما الطاووس فيها جلستي

ولاتحسبين العرس أحلام في الشات
ياما بنيتيها وياما هدمتي

ولاتحسبين العرس روحه وجيات
هيا اقضبي بيتك عسى ماانهبلتي

ليلة سعيده وأنت أحلى الجميلات
تشخص عيون الناس إذا حضرتي

(والاينلر)حطيه بلا زيادات
لايخرب المكياج إذا دمعتي

(والمسكرة)تحتاج لطف ومدارات
حتى يبان الزين إذا غمضتي

(والاسبريه)رشيه حتى البصيلات
يمسك شعرك زين ولو كان زدتي

وترى(المحدد)فن يحتاج رسمات
يبان رسمه زين إذا ابتسمتي

العرس يابنية ماهو شعارات
تفنى مراسيمه وتبقين أنتي

ويبقى شريك العمر راعي الطويلات
هذا هو العرس الحقيقي عرفتي؟

أول نصيحة لك حفظ الصلوات
صلي العشا والفجر في كل وقتي

وفي ليلة العرس الموفق وبالذات
ادعي الكريم الله إذا سجدتي

والتعري لاترضين عند الكوفيرات
ولبسك يملي العين إذا لبستي

واللي على زوجك تحرضك مرات
أرجوك شوتيها شوتت بلنتي

والصبر في العشرة حتى على فتات
يامحلا فعلتك يومك صبرتي

وإذا حفظت السر مع المدارات
زوجك ترى في عيونه أنت كبرتي

والسوق يعني هاه وقت الضرورات
وإلا ترى زوجك يدور لمفتي

زيدي الغطاية وكثري في العبايات
والله يرضى عنك إذا سترتي

أوصيك بالكبسة وكثر اليدامات
حتى لو انك من سببها متنتي

وخلي الرجيم اللي فشلت فيه مرات
سويه مرة واحدة لا ولدتي

أوراق شاعر يرسل أزكى التحيات
خصيه بالدعوة إذا دعوتي

//
وسلا متكم

منقول

يسلمووو بس انا ولد ههههههههههههه

هههههههههههههههههههههههههه

مشكوووووووووره على الموضع الحلو ياحلوة

تقبلي مروري ...