بنات المدارس الخاصه

طبعا هوشاتهم بس بالكلام يعني ما بتوصل للضرب
كل وحده بتخاف على تسريحتها والميك آب لايسيح
وبلوزتها الماركه لايصير فيها شيء

نبدأ مع الآنسه سوسو : انتي مين سمحلك تقولي اسراري لصاحباتي
شوشو : مو انتي اللي بدأتي خلاص انا اعمل زيك
سوسو : من جد حقيرا وحمارة ما اتوقعت كده
((من واقع تجربتي البنت اللي تقول حمارة عندنا كنا نشوفها مرة قليله ادب))
شوشو : انتي كيف تسبيني كده منتي عارفة انا بنت مين يا وقحه

سوسو : انا وقحه يا دبة يافاشلة
(((وعصبو البنات والليب غلوس تبعهم ساح من كتر الزعيق خخخ )))
شوشو : انتي الدبة كل ما تعملي رجيم ما يزبط معاكي وماتعرفي تختاري لون صغبه شعرك
سوسو : يلا روحي لا تتكلمي معايا اصلا ما اتكلم مع ناس اقل من مستوايا
شوشو : يلا روحي ياجبانه دايما تكدبي وتقولي لبسك ماركة شكلها ماركة الصواريخ
(هنا بدأ التعصيب يزيد احنا البنات ما نحب اللي يتريق على ماركاتنا عندنا الماركات زي الاعراض خخخ )
وبتقوم سوسو وبتكب الببسي على شوشو قلك مرة دافعت عن نفسها
والبنات كلهم بصوت واحد ياااااااي التسريحه خربت
شوشو : يازفته خربتي تسريحت شعري
سوسو : أحسن علشان انا اكون احلى منك
شوشو: اصلك شريرة وما تستحي والله اقول لماما (تقول الكلام وهي عينها مدمعه وتقوم ترمي كيس ليز على سوسو)
سوسو: انتي ما تستحي قليله ادب ومو متربية(الله مرة جامده ههههه تقولها وهي تبكي)
وفجأة البنات فرقوهم اوبس اقصد اشتروا موية لسوسو ومناديل لشوشو واتفارقت الشلتين وكل وحده بتبكي وصاحباتها يهدو عليها ويقنعوها انها الاحسن

المدارس الحكوميه

طبعا كل طلاب المدرسة الذكور حضرو المصارعه الحره وبشتغل التصفيق والتصفير
وكل وحده بتجيب معها جيش هتلر عون هههه ويلا ياقاهرهم
تقول مضاربة شباب في شارع منصور خخخخخ
وطفى: اطلقوني عليها والله لاخذ حقي بيدي اللسان مايكفي هع هع ((شوفو الاسلوب كيف ))
مريومه : هي هي انت والله لو ا! تمدي ايدك علي لا اكسرها الك واعلقها برقبتك انا اخوي معيض ضريب مواس ( قويه )
وطفى : طز عليكي وعليه يا قليلة التربية يا الجربانه والله لا اربيكي
مريومه : والله انا الي لا اربيكي يابنت الشوارع
( طبعا الشباب بشجعوا يلا احلى يابو الشباب )
ويبدأ الضرب والصراخ وكل وحده تمسك الثانيه والشباب بشجعو طبعا
وقوارير الموية تترمى ولو عندهم حجار كان ما قصروا والشباب اقصد البنات بحمو المضاربة
وكل وحده كشتها بتصير زي المكنسه ولا الضرب على الوجه
والكدمات وازرار المريول فالت والكتب في الشارع
والمديرة والمدرسات واقفين يتفرجو من بعيد ايشبكم الحكايه فيها موس
وبعد انتهاء المصارعه الحرة ياخدو كل زعيمة وشلتها على الادارة
بعدين يكتبو تعهد وبتبهدلو ثاني يوم الصبح من المديره بالطابور وكل وحده تضحك
وتتمصخر ولا على بالها
وفي النهايه احلى تحيه للجماهير والمشجعين
وطبعا ولا تفرق معهم وثاني يوم تكمل المصارعه الحره ويبدأ الهوش
والتعهد مره ثانيه وثالثه شغال على الخط والله يستر من الجاي

اول مــرة دخــلـت فـيـهـــا مــدرســـة حــكــومـيــة


كنت 1 متوسط يعني من نعومة اظافري في مدارس فلة وماما الله يهديها دخلنتي
مدرسة حكومية عشان كانت المديرة تقربلنا وياليتها نفعت
المهم رحت اول يوم مضفرة شعري لا فرقه ولا شي ولا قصه ولا اي شي ومريول نظامي وكروهات
وشنطة من اللي تتحط على الضهر وواقفه في اول الطابور يختي عليا طلعت الفصل لقيت البنات
يجروا ويخرجوا من الفصل استغربت ليش بيخرجوا وبعدين جات حرمة ضخمة وضربتهم بالمسطرة
وانا ناشفه في دمي ايش في وانتهت الحصة ومع بداية الحصة الجديدة خرجوا برضو كنت نفسي افهم
ايش في يخرجوا يوقفوا وشوية يجروا ويدخلوا ويرجعوا يوقفوا وانا حالي حال نفسي
خرجت في الصرفة ماشية جنب الجدر بشويش الاقي وحدة جنبي تسب صاحبتها
الا التانية ردت عليها شي مرة جامد عملت كده شي جامد جامد يعني مرة اتفجعت كنا نقول على اللي
تقول حيوانة قليلة ادب وما نكلمها هادي تقول ......كيف كده رجعت ومن ضعفي
سألت ماما عن الكلمة اللي سمعتها ما لقيت الا كف على فمي ههههههههههه هوا كان بسيط بس بكيت
وبعدها ماما مسكتني لا تتكلمي مع احد لا تختطلي باحد .....الخ

تــــــــــــــــــــــرم واااااااااااااحــــــــــد بس
صارت ماما كل يوم تروح للاداره يتصلوا عليها كل شوية وصرت اشرد من الفصل
لااااااا وكمان اتعرفت على شلة وهما صاحباتي الين دحين كانو مبلوهين زيي الترم الاول والترم التاني
شدينا حيلنا وصرنا زي البنات اللي يخرجوا ويطالعوا في الابلة من فوق لتحت كل شي
لا وكمان نقلوني من فصلي وفرقوني عن صاحباتي

مـــــــــــــوقــــــــــــف حـــــــصــــــــــل قــــــــدامــــــــــــيبنات اتضاربو زي المضاربة اللي فوق وطلعوا الاداره طبعا وبعد ما خرجت الطرف الاول في المضاربة
اللي اكتشفت منها بعدين ان سبب المضاربة ولد واستغربت جدا
المهم خرجت وطالعت من البلكونة للساحه تحت وصارو البنات فعلا يصفروا ويصفقوا لها
الا عملت بيدها علامه النصر كده ب اصباعين يا الله مرة استغربت ايش داااااااا