لوّن صفحتك

   


قصص - قصص قصيره - روايات قصص - قصيره - القصص - مثيرة - واقعية - حب واقعية - عن الحب - مؤثرة - غريبة - الاطفال - خيالية - عربية - فكاهية


 

قصة قصيرة خياليه.. مضحكه

موضوع مغلق
 
أدوات الموضوع انواع عرض الموضوع
#1  
قديم 03-10-2009, 05:25 PM
بــــــــــشــــــــرى
عضو فعّال
بــــــــــشــــــــرى غير متواجد حالياً
لوني المفضل Cadetblue
 رقم العضوية : 14791
 تاريخ التسجيل : Dec 2008
 المشاركات : 136 [ + ]
 التقييم : 50
 معدل التقييم : بــــــــــشــــــــرى جيد
بيانات اضافيه [ + ]
قصة قصيرة خياليه.. مضحكه



 

 

 

في يوم من أيامات المدرسه وأنا في سابع نومي
طبعا في حصة الانجليزي(عاد حدث ولاحرج) على الطاوله تكيتها نووومه

مادريت الا واللي يقطع علي نومتي وتنغزني اللي بجنبي ذيك النغزه اللي بغت تسردحني من الكرسي
- خيير ياأم الشباب وش فيك
- قوووومي
- وش تبين فيني
- صديقتك تناديك
والتفت الا وأشوف ذيك اليد للي تلوح من بعيد
- بس بس شفنااااك
وتكلمني بهمس وتأشر على ورقه معها وأنا أحاول أقرا شفايفها
- اييييييييييييييش مافهمت عييييييدي
وتعيييييييييد وتأشر على الورقه
- مااسمع مااااااااااااسمع ارفعي صوتك
مادريت الا والورقه مصفوقه في وجهي
- خذيها وأقريها يماللصمخ
وأفتحها ............
ماتستاهلين من يكتب لك عشان يونسك ضاق صدري يوم شفتك ناايمه وسعاابيل وبلاوي وشخيييييير
قلت حرااام لازم اونسها ضايقه ومن الضيق نامت

عاد أنا في نفسي (عاد ونستيني بهالكلمتين يمالــ ....ماني قايله)
مادريت الا وورقه ثانيه تطيح جنبي ...
وأفتحها ......
أمس أخوي جاء متأخر بالليل والظاهر الله عالم بحالته مايدري وين ربه حاطه عاد أنا استغليت الفرصه وسويت معه لقاء

- إسمك ؟؟
هااااااااااه
- إسمك ؟؟
عندي اسااامي كثييييييييره
- مثل ...
أبوي يناديني (رخمه) وأمي (وجه العنز) وأخوي (مضيع)
حتى كومار يناديني( يالدلخ)
- اهاااا طيب تشتغل ؟؟
عندي ثلاث وظايف
- وش هي ؟؟
وحده بفصل منها وحده بتركها ووحده ماابيها
- طيب وش يبقى ؟؟
يبقى دوامي في المدرسه
- ليه أنت مدرس ؟؟
لا
- طالب ؟؟
ايه
- وش تسوي تجتهد في دراسك؟؟
من اجي احط راسي على الطاوله لأن هذا وقت نووومي
- أجل ليش تدرس ؟؟
عشان أنام
- طيب بعد المدرسه وين تروح ؟؟
اتسدح في الاستراحه مع الشباب
- وش تسوي ؟؟
والله نشوف آخر أخبار هالشبيبه ونخليهم يظبطونا مع هالبنيات اللي يعرفونهم و..
- (طيب نغير الموضوع) أنت متزوج؟؟
على مشارف الزواج
- خاطب يعني ؟؟
لا
- أجل كيف على مشارف الزواج ؟؟
يعني ... أقول غيري الموضوع
- طيب وش ناوي تتوظف ؟؟
ماني بمتوظف
- أجل وش تسوي .....(وأنا اتحمس) مين بتقبل فيك وأنت مو موظف ولا ليكون ناوي حرمك المصون تصرف عليك وأنت تاكها ومفللها في البيت ؟؟
إذا ماعندها مانع
- (استعدت أنفاسي)آسفه ياأخي العزيز ولكن ما أبشرك بخير ستظل عزوبي طووول العمر ؟؟
(انحمق)اقووول تقلعي يلا ... لااشوف هالخشه
- طيب كلمه أخيره للقراء ترى هالورقه بمررها على بنات صفي ؟؟
هاااااه ... احم احم ...ترى كل هالكلام اللي نقال كذب
تراني موظف ومزيووووووون يحسدون الناس زوجتي المستقبليه .. وحنون أرغب الزواج بسعوديه جميله رشيقه لامانع إن كانت مطلقه ولكن دون أطفال و...
- هييييه هييه مضيع يالمزيووون لايكثر لايكثر يلا بس ؟؟
ردية حظ اللي بتآخذك

والله واسفط الورقه واحط راسي على الطاوله وتنغزني الدبه من جديييد
- يااااااااخيييييير
- صديقتك تبيييك
والتفت عليها ..
وتهمس من جديد ...
- يابنت النااااااس ما أسمع
وتأشر ويين الورقه
جيت أبطلعها مادريت الا ليوقف بيني وبينها والله وأنا ابلع العافيه ...
أستاااااذة الانجليزي ..(وأنا ابلع ريقي) هلا والله استاذه نورتي عاش من شافك .. يازينك والله
- وش الورقه اللي معك
- سلامتك لاتشغلين نفسك بأمور ماتستاهل
- (حمقت هي) طلعي الورقه
- (تفلت العافيه) أقوووول أقوووول .. شوفي شغلك ياحرمه
وتسحب الورقه مني
- (ونفسها عند خشمها)طيب وشغلي معك
وتفتح الورقه .. ماندري الا وهي فاااطسه ضحك
(أول مره أشوفها تضحك) جزا الله أخو صديقتي خيير
ومن بعدها وأنا أشوف العااااانس تتمصلح مع صديقتي (وأنا أكشفها ) قلت بس بس تبي تظبطها مع أخوها مالقت من يخطبها قالت مالي الا هو ....

انتهت السنه الدراسيه على خييير....وانتهيت من عذاب وشقاااء ثااااالث ..

فقررت أتصل على صديقتي وأشوف آخر الأخبار
وبعد مشاعر الشوق والحنين والحب و...إلى مالذلك

- أقوووول شكلك مشغوووله
- أي والله نجهز لعرس أخووووي
- ميييييييييين أخووووووووووك ؟
- مااااااقلت لك بيتزوج إنشاء الله
- ومين اللي أمها داعيه عليها
- توقعي مييين
- اخلصي ..لاتكثرين الهرج
- (متحمسه)مدرستنا الانجليزي تذكرينها
- ههههههههههه استاذه حصه ماغيرها والله إن أخوك اللي أمه داعيه عليه
- والله ليومك هذا وأنا أدعي لك
- أنا .... ليش وش سوييييت
- الظاهر الحبيبه من بعد ماقرت الورقه انبسطت على اخوووي وحلفت يمييين لاتآخذه ... وحصل النصيييب
- الله يوفقه ....... بس عاااااااااااد حصه ضاقت الدنيا ومابقى الا هي
- أقووول لو ماأخذته كان ولا وحده بتآخذه
- ( ضاقت نفسي ) يلا مع السلامه
- مع السلامه


وهي تتفجر كل المشاعر المكبوته في نفسي الحزينه
وبدأت عيوني ترسلان الدموع على الخدود
ومادريت إلا ويدي تخط بالقلم هذه السطور ...

رحلت نعم رحلت عني ... يامن كانت تحبه نفسي وتعشق عيني رؤيته .. وأذناي سماع السوالف عنه ... كنت أتمناك لي وأن امتلكك ولكن شاء الله وماقدر فعل ولكن لن استسلم واتركك لن استسلم سأنتقم من التي خطفتك مني سأنتقم وأقتلها



وانتظرت بعد مارجع (حبيبي الراحل) من شهر العسل مع وجه القشر اللي خطفته مني

وقعدت طول الليل افكر كيف انتقم

ولقيتها.... وأنا البس قناع نفس زورو وأروح لبيته بعد ماتأكدت إنه طلع ..
وأدخل عليها بالسكيييييين

وصف الحدث ....
هي ماسكة شوشتها من الروووعه ومن شافت السكييين وهي تبكي وتطيح عند إرجولي .. وأنا أركلها برجولي (كشخه)
- أنت التي سرقتي حبيبي ...
- لا أرجووووك لاتقتليني أتوسل إليك
- إبتعدي عني ياوجه المعزاء سأقتلك
مادريت الا وباب بيته ينفتح (وأنا أقمط العافيه) وأقعد أدورلي على مكان أتخبى فيه كني ماسويت شيء ولا مرته ماشافتني

ومن شافته وهي تقول ..
- حموووودي في حرامي دخل وبغى يذبحني
(وأنا أحمق) حمووودي بعينك يماللحريقه اللي تآكل خشتك

وهي تطيح عيني بعينه ... وأقعد أتأمله ... وتتفجر المواهب

- لماذا تركتني ورحلت
(وهو بدوره تفجرت مواهبه بعد)
- إخرسي ماذا تريدين مني
- أنا أحبك
- حبك برص قولي آمين
- لا لاتستهن بحبي لك
- انقلعي عن بيتي وإلا ....
- وإلا ماذا ...
- سأقتلك
- (ودموعي تنسكب من عيناي) لا لن تفعل هذا بي
(وبدون شعور منه شرع سيفه ) وأنا شرعت سيفي وبدأنا نتقاتل في ساحة الحرب
يع هع ياااع هاااع
هاااااااااااااع يع خذيييييييي خذذ هاااع
وإذا بذيك الطعنه على صدري (وباللقطه البطيئه) وأنا أسقط جاثية على الأرض

لقد قتلتني ....... وكانت آخر ماشاهدته عينااااي .. كانت عيونه ......


- قوووووووووووومي
إلا وبذيك النغزه القويه
- بسم الله الرحمن الرحيم أعوذ بالله ... خييير
- أسمعك تهذين وأنت نايمه قلت أقومها قبل لاتصرخ علينا بالفصل وتنتبه لك الاستاذه إنك ناااايمه
(الظاهر وتوني أستوعب الدنيا)
- تصدقين حلمت فيك

- نعم ... تكلميني

- (ناظرت المكان .الفصل.صديقتي تمرر ورقه .نفس اللي بالحلم . والحصه إنجليزي)

- تكلميني

- لا .... ولاشيء .. أكلم نفسي







م..ن..ق..و..ل..ة




قديم 03-10-2009, 05:36 PM   #2
ommokaltouma
عضو فعّال


ommokaltouma غير متواجد حالياً

بيانات اضافيه [ + ]
 رقم العضوية : 24128
 تاريخ التسجيل :  Mar 2009
 المشاركات : 171 [ + ]
 التقييم :  50
لوني المفضل : Cadetblue
افتراضي



يسلمووووووو يا عسل قصة رائعة


 

قديم 03-10-2009, 10:13 PM   #3
Aso0oM
انسوني فلم أعد موجودة


Aso0oM غير متواجد حالياً

بيانات اضافيه [ + ]
 رقم العضوية : 6909
 تاريخ التسجيل :  Jul 2008
 المشاركات : 6,169 [ + ]
 التقييم :  167
لوني المفضل : Cadetblue
افتراضي



قصة رووووووووعة شكرا لك ^_^


 

قديم 03-14-2009, 05:06 PM   #4
عاشقة الرحمن
عضو فعّال


عاشقة الرحمن غير متواجد حالياً

بيانات اضافيه [ + ]
 رقم العضوية : 19229
 تاريخ التسجيل :  Jan 2009
 المشاركات : 121 [ + ]
 التقييم :  50
لوني المفضل : Cadetblue
افتراضي



مشكورة قصة جميلة تقبلي تحياتي


 

قديم 03-15-2009, 05:29 AM   #5
الشريف
عضو فعّال


الشريف غير متواجد حالياً

بيانات اضافيه [ + ]
 رقم العضوية : 25485
 تاريخ التسجيل :  Mar 2009
 المشاركات : 132 [ + ]
 التقييم :  50
لوني المفضل : Cadetblue
افتراضي



موضوعك رائع
واله
يعطيك العافيه


 

قديم 03-15-2009, 05:41 AM   #6
ROMANTIC
عـَضـَوِ مـَشاغَب


ROMANTIC غير متواجد حالياً

بيانات اضافيه [ + ]
 رقم العضوية : 24178
 تاريخ التسجيل :  Mar 2009
 المشاركات : 1,338 [ + ]
 التقييم :  50
لوني المفضل : Cadetblue
افتراضي



ههه
هه
ه


 

قديم 03-15-2009, 02:34 PM   #7
العين الحنونة
مشارك جديد


العين الحنونة غير متواجد حالياً

بيانات اضافيه [ + ]
 رقم العضوية : 25034
 تاريخ التسجيل :  Mar 2009
 المشاركات : 18 [ + ]
 التقييم :  50
لوني المفضل : Cadetblue
افتراضي



يسلمو أختيييي على القصة الرائعة


 

قديم 03-18-2009, 12:23 AM   #8
حبك وجع
كبار الشخصيات


حبك وجع غير متواجد حالياً

بيانات اضافيه [ + ]
 رقم العضوية : 12062
 تاريخ التسجيل :  Nov 2008
 المشاركات : 7,519 [ + ]
 التقييم :  136
لوني المفضل : Cadetblue
افتراضي



قصة روعة
يسلمووووووووووووو


 

موضوع مغلق

أدوات الموضوع
انواع عرض الموضوع


المواضيع المتشابهه للموضوع: قصة قصيرة خياليه.. مضحكه
الموضوع كاتب الموضوع المنتدى مشاركات آخر مشاركة
قصة قصيرة و ممتعة ommokaltouma قصص - قصص قصيره - روايات 18 07-27-2010 11:29 PM
صور خياليه !!!! تعجبكم ...... الهاوي صورمنوعة - صور 14 07-08-2009 12:21 AM
خيال صور خياليه رائعه ALSaher صورمنوعة - صور 7 11-10-2008 06:01 PM
صور خياليه ورائعه .؟؟..؟؟..؟؟ عٍَہآفۈكہہ يآقٍَہلبيٍَہ مواضيع عامه 8 08-01-2008 10:00 PM


الساعة الآن 10:14 AM.


Powered by vBulletin منتديات
HêĽм √ 3.1 BY: ! ωαнαм ! © 2010
منتديات فله منتديات ثقافية ترفيهية مسلية صور برامج صور منتديات توبيكات قصص منتديات تحمل في طياتها الكثير من المتعة والفائد - منتديات - فله لـ جميع العرب


SEO by vBSEO